A Biblioteca de Fillos de Galicia

Empanada de Xoubas

crisanto — Fri, 26 Feb 2010 22:28:10 +0000

Receita: Empanada de Xoubas

Ingredentes para o Recheo

600 gr. de xoubas (sardinetas)
3 cebollas
3 pimientos verdes
3 dientes de ajo
3 dl. de aceite de oliva
1 hoja de laurel
Hebras de azafrán (al gusto)

Ingredentes para a Masa

800 gr. de harina
400 gr. de agua
25 gr. de levadura
Aceite de oliva del sofrito
Sal

Descripción para o Recheo

En una sartén sofreímos las cebollas, pimientos, ajos, y el laurel bien picados.
Añadimos una hebras de azafrán y se reserva.

Descripción para la Masa

Introducimos en un recipiente la harina, la levadura, el agua templada, bastante aceite del sofrito y un poco de sal.
Amasamos bien todo y dejamos reposar una hora.
A continuación, estiramos la masa con ayuda de un rodillo y cubrimos el fondo de una bandeja para empanadas untada con un poco de aceite del sofrito.
Utilizamos la mitad de la masa sin cortarla.
Colocamos encima la mitad del relleno.
Cubrimos con las sardinetas limpias y sin la espina.
Ponemos encima el resto del relleno y tapamos todo con el resto de la masa extendida con el rodillo.
Cerramos los bordes (pellizcándolos) y pintamos por encima de la tapa con aceite de oliva para que brille.
Metemos la empanada a horno fuerte precalentado durante 10 minutos.
Conviene pinchar la empanada con un tenedor antes de introducirla en el horno para que no se hinche y cueza mejor.
Esta empanada se puede hacer de vieiras, en este caso, contar 3 ó 4 por persona.
También se pueden sustituir las xoubas por sardinas.

Comensales: 6

Crema de grelos con chourizo

crisanto — Thu, 25 Feb 2010 14:05:49 +0000

Recipe: Crema de grelos con chourizo

Ingredients

2 mañuzos pequenos de grelos
1 chourizo caseiro
1 litro de caldo de carne
1 cebola
1 dente de allo
1 pataca mediana
Aceite e sal

Instructions

Picámo-la cebola mailo allo e dourámolos nunha pota cun pouco aceite.
Cando estea dourada a cebola engadímoslle a metade do chourizo cortado en anacos pequenos.
Engadímoslle o caldo e deixamos cocer.
Namentres, limpámolos grelos e cocémolos xunto coa pataca cortada no decurso de 20 minutos.
Escoámo-los grelos maila pataca e botámolos no caldo que xa estaba a ferver e deixámolo ferver 5 minutos máis.
Logo disto triturámolo co batedoiro eléctrico e coámola crema, dándolle logo o punto de sal. Canto máis fino sexa o utensilio de coar máis suave quedará a crema.
A outra metade do chourizo cortámola en cadradiños e dámoslle unha pequena fritidela na tixola.
Ó servila crema pomos uns cadradiños de chourizo en cadanseu prato e un fío de aceite cru para adornalo.

Duración: 45 minutos

Comensais: 6 persoas

Recipe by on.
Microformatting by hRecipe.

Melindres ó xeito de Melide

crisanto — Thu, 25 Feb 2010 12:56:54 +0000

Receita: Melindres ó xeito de Melide

Ingredients

250 g. de fariña de trigo,
6 xemas de ovo,
40g de manteiga de leite
500 gr de azucre
250 ml de auga (1 vaso)

Descrición

Mesturámo-las xemas de ovo, coa manteiga (derretida e tépeda) maila fariña.
Amasámola ben e cando a masa estea ben ligada (xa non se apega ós dedos) deixámola repousar unha hora nun sitio tépedo e tapada cun pano de cociña.
Pasado este tempo cortámo-la masa en anacos que imos xirando polo mesado para darlles forma de cilíndrica do grosor dun dedo.
Collemos este cordón de masa e enrolámola o redor do dedo, pegámola e cortámo-lo sobrante; deste xeito imos facendo roscas.
Tamén podemos face-las roscas collendo anacos de masa (como unha noz grande) facendo bolas coas mans e logo de esmagalas un pouco facémoslles un burato co dedo.
Pómolas nunha bandexa de forno untada de manteiga e enfariñada, e deixámolas repousar polo decurso dunha hora.
Metémolas no forno aquecido a 220º C ata que collan unha cor dourada non moi escura (uns 20 minutos)
Sacámolas e deixámolas arrefriar.
Xa ben frías, mellor o día seguinte, facemos un xarope a piques de fío pondo a cocer o azucre maila auga. O xarope estará a piques de fío cando ó coller un pouco entre as xemas dos dedos fórmase un fío o despegalos. Afastámolo do lume e batémolo forte ata que empeza a pórse turbio e branquexado.
Neste intre, estando o xarope aínda quente, engadímo-las rosquiñas remexéndoas devagar, e cando empezan a apegarse unhas as outras sacámolas e deixámolas secar nunha bandexa ou no mesado untado con aceite ou manteiga para que non se apeguen e afastadas unhas das outras para que tampouco se apeguen entre elas.

Quick Notes

* No dicionario da RAG di que melindre é un doce pequeno feito con mel, polo que se deduce que ó primeiro mergullábanas no mel e logo co tempo e coa difusión do azucre pasouse a bañalas con estoutro.

* Tamén as podemos fritir nunha tixola con moito aceite e despois deixalas escorregar sobre un papel absorbente.

* En Ponteareas engádenlle un pouco de gran de améndoa; en Silleda bótanlle unha copiña de anís ou unha culler de mel e en Allariz trocan a fariña de trigo por améndoa moída ou mesturada (metade por metade) con fariña.

Probade a facelas mesturando os xeitos de Ponteareas, Silleda e Allariz (anaquiños de améndoas, anís e améndoas moídas mesturadas por metade coa fariña.

* Teñen moita sona dende moi antigo as de Ribadavia.

Duración: 2 horas

Comensais: 8 persoas

Recipe by on.
Microformatting by hRecipe.

Sorbete de Augardente

crisanto — Wed, 24 Feb 2010 22:23:41 +0000

Receita: Sorbete de Augardente

Ingredentes

75 cc. de auga
1/4 de l. de viño branco
140 gr. de azucre
1 Laranxa (o zume)
1/2 limón (o zume)
3 cullaradas sopeiras de augardente galego

Descrición

Preparamos o xarope cocendo a auga xunto co azucre.
Deixamos arrefriar o xarope e mesturámolo co viño.
Engadimos a augardente e o zume dos cítricos coado.
Pómolo na neveira durante 30 minutos e de contado metémolo ó conxelador.
Servímolo en copas pequenas entre o primeiro e o prato forte ou se se prefire servímolo como sobremesa.
En caso de non dispor de neveira, pomola preparación nunha bandexa de cubiños de xeo, deixámolo no conxelador entre 1-2 horas (segundo a potencia do conxelador) e seguido batémolo cun garfo para romper os cristais de xeo e metémolo de novo ao conxelador.
Repetimos esta operación tres ou catro veces ata que o sorbete adquira a consistencia axeitada.

Masa Follada

crisanto — Tue, 23 Feb 2010 22:24:41 +0000

Receita: Masa Follada

Ingredentes

200 g. de fariña
50 g. de manteiga de porco
100 g. de manteiga
1 ovo
1 chorriño de vinagre ou limón
1 chisco de sal

Descrición

Botámola fariña enriba da mesa, facemos un niño, botamos nel o ovo, un chisco de sal e amasamos.
Engadímola manteiga de porco e vinagre para darlle elasticidade e amasase todo durante 30 minutos.
Unha vez feita esta masa, dámoslle un corte en forma de cruz e, abríndoa por este corte, estirámola co rolete.
Pómoslle a outra manteiga no medio e envolvémola ben, e seguimos estirando co rolete e volvemos dobrar e estirar, así por 3 veces ou ata que vexamos que a manteiga xa non se sae polos lados.
Deixámola na neveira durante 30 minutos para que arrefríe e poder empregala cando faga falla.

Torta de Queixo de Arzúa

crisanto — Tue, 23 Feb 2010 12:36:16 +0000

Receita: Torta de Queixo de Arzúa

Ingredentes

250 g de queixo de Arzúa
1/2 Cunca de nata líquida
1/2 Cunca de leite
125 g de galletas
2 Cucharadas de Brandy
1 Cucharada de manteiga
2 Ovos
4 Cucharadas de azucar
Marmelada de fresa ou frambuesa para cubrir

Descrición

Desfacer as galletas e mesturalas coa manteiga derretida e co brandy;
Forrar con esta masa a base dun molde desmontable e deixalo dentro da neveira a esfriar ata que nos faga falla.
Quentar o leite e a nata nun cazo.
Engadir o azucre e o queixo, e remover ata que se derreta, quedando unha crema homoxénea.
Sacalo do lume e engadir os ovos.
Verter a crema no molde desmontable frío.
Meter ó forno, a uns 180ºC, uns 20 minutos, ata que a se faga (comprobalo cunha agulla da calceta ou cun coitelo ata que este sala limpo).
Meter ó frigorífico e, unha vez esfriado, desmoldear
Cubrir coa marmelada e servir fría.

Comensales: 8

Licorcafé

crisanto — Mon, 22 Feb 2010 22:23:31 +0000

Receita: Licorcafé

Ingredentes

3 l de augardente (*)
1,5 l de viño tinto
2 Kg de azucre
125 g de café torrefacto en gran
1 Pau de canela 1
1 Casca de laranxa
100 ml de anís (licor)

Descrición

Botar nunha pota 1 quilo de azucre e facelo caramelo. Non queimalo moito.
Botar noutra pota o resto do azucre e o viño e desfacelo ó lume sen deixalo ferver.
Mesturar ambalas duas partes e desfacelo caramelo. Deixalo esfriar.
Pasalo todo a unha garrafa de unhos 6 litros de capacidade.
Engadir o anís, a canela, a casca de laranxa e os 3 litros de augardente.
Mesturalo ben e deixalo repousar unhos 3 meses remexendo o de cando en vez.
Colalo e engarrafalo en botellas e …a bebelo.
Desexo que o atopedes gorentoso e disfroitedes de el amodo e con ledicia.

Notas

(*) O mellor e facelo con augardente galega; á dos potes do meu pobo é dunhos 45-50 grados alcoolicos. Se mercades augardente engarrafada, tedes que calcular a augardente a engadir segundo a gradación para que quede un licor de unhos 23-25 grados.

Patacas ó Estilo do Cebreiro

crisanto — Mon, 22 Feb 2010 22:19:36 +0000

Receita: Patacas ó Estilo do Cebreiro

Ingredentes

1 Kg de patacas de tamaño medio
300 g de queixo fresco
¾ l de leite
2 ovos
50 gramos de manteiga
sal e pementa

Descrición

Lavámolas patacas e pómolas a cocer sen pelar en auga con sal.
Pasados uns 20 minutos, escoámolas e pelámolas. Cotámola en rodas e sazonámolas con pementa moída.
Untamos unha fonte de forno e imos pondo nela capa de patacas e capa de queixo fresco rematando con patacas.
Batémolos ovos, engadímolo leite cun chisco de sal e botámolo por riba das patacas da fonte. ovos,
Metémolo ó forno quenta a 170 ºC ata que calle o leite mailo ovo e se doure a superficie

Empanada Vexetal

crisanto — Sun, 21 Feb 2010 22:21:21 +0000

Receita: Empanada Vexetal

Ingredentes para a Masa

800 g. de fariña
400 g. de auga
25 g. de fermento
Aceite de oliva do sofrito
Sal

Ingredentes para o Refrito

3 cebolas
3 pementos verdes
3 dentes de allo
3 dl. de de oliva

Ingredentes para o Recheo

Cenorias, espinacas, xudias verdes, champiñons, allo, porro, etc… (en cantidade suficiente e ó gusto)
150 g de xamón serrano(opcional)
ovo cocido e olivas (opcional)
aceite

Descrición

Fai a masa mesturando os ingredientes descritos e déixaa repousar unha hora.
Coce as verduras en auga con sal ata que estean tenras, logo escóaas ben e pícaas miúdas.
Fai o sofrito e ao final, cando este no seu punto, refoga o xamón picado e os vexetais, dándolle unhas voltas.
Corta a masa en dúas partes e estíraa co rolete para facer a parte de abaixo e a da arriba.
Para facela empanada estende pola súa base o sofrito e repártelle por enriba unhas olivas cortadas e o ovo picado ou en medallóns.
Tapa coa parte de arriba, recorta a masa sobrante e cerra ó redor. faille un buratiño no medio para que respire e decora cos restos de masa sobrante.

Notas

Esta empanada recomendámosche facela con masa de hoxaldre… ou de algún outro tipo pero estirada fina.

Comensales: 6

Croquetas de Marisco

crisanto — Sun, 21 Feb 2010 22:19:27 +0000

Receita: Croquetas de Marisco

Ingredentes

1,5 Kg.de mexillóns
400 g. de camaróns pelados
125 g. de manteiga de leite
125 g. de fariña
1 litro de leite (descontade a metade da auga de cocer os mexillóns)
Un chisco de viño branco
Aceite, sal noz moscada, pementa
Fariña, ovo e pan relado

Descrición

Limpamos os mexillóns, cocémolos nunha pota cunha folla de loureiro, botándolle un chisquiño de viño branco no fondo da pota, e tapamos ata que se abran.
Sacámoslle a carne que picamos miudiño e reservamos. Tamén reservamos a auga que soltaron ó cocelos.
Picamos os camaróns, salteámolos nunha tixola e reservamos.
Facemos a bechamel: derretémola manteiga e logo engadímoslle a fariña e remexemos ben ata que se desapegue das paredes. Non deixar torrar a fariña.
Logo disto engadirlle metade da auga de cocelos mexillóns mailo leite fervendo ata facer o litro e remexer todo a fondo para que non queden grumos. É mais doado se neste intre metedes a batedoira eléctrica, deste xeito a masa queda moito mais fina. Deixade que coza ben para que logo non se desfagan as croquetas ó fritilas.
Antes de terminar de facela bechamel engadirlle ó mexillóns, os camaróns, un chisco de noz moscada e outro de pementa, probalo de sal e engadir se compre. Tede cura pois a auga dos mexillóns é de por si salgada.
Deixala arrefriar estendida nunha bandexa aceitada e logo cubrila con celofán transparente para que non seque e faga costra a masa por arriba.
Facémolas croquetas que despois de envolver en fariña, ovo e pan relado fritimos ou se cuadra conxelamos para outra ocasión. Fritir as croquetas, que estean conxeladas, sen desconxelar.

Notas

Se botámola masa nunha bandexa de xeito que nos quedou 1-2 cm. de groso, podemos facer axiña as croquetas, se envorcámola masa enriba do mesado enfariñado e cun coitelo imos cortando a masa ó longo (2 cm.) e ó través (4 cm.); deste xeito as croqueta case saen feitas. So queda darlle forma redondeada ou deixalas cadradas, segundo o gusta de cada un.